第13週: 廣華照 Oscar VS 私家 Nifty Test

早前約左9月中 (第13週) 去廣華幫BB照唐氏~

去到等左一陣就可以照啦~

估唔到係由一位姑娘負責, 仲要有兩位學護姐姐一齊聽添…

坐底問左同核對左一輪姓名, 身份證號碼, 最後來經日, 預產期,

同埋下次產檢的日期同資料等之後, 就上床度照超聲波啦~

個位姑娘用機幫小B度size, 仲話係細B…

跟住就指俾我同亨利睇依度係BB的頸皮, 手, 心跳, 腳等…

然後就話BB好正常, 頸皮都係正常範圍內, 聽到當堂安落晒!

 

之後落左床, 見佢係度寫低D記錄,

我見到小B的頸皮是1.76吧… (真係唔問唔睇都唔會知結果~)

 

忽然依位伍X珍姑娘叫我 “你唔好飲咁多奶呀!”

(我心諗: 吓? 醫生, 電視, BB雜誌都叫懷孕媽媽要飲多D奶, 健康又有鈣質啦!)

跟住我好自然問佢點解?

佢停左幾秒無答我, 跟住就起左身出左去…

返黎就show左一張食物list俾我睇,

跟住佢指住個豆腐就話: 你有食豆腐架可?

然後再指住碟菜話: 你有食菜架可?

咁我見到個list有好多野食我都食既, 我就答佢依度我樣樣都食既…

佢就話: 咁就得啦!

(真係好奇怪~ 我真好想串佢, 如果食物吸收到呀, 我地就唔係食葉酸啦!?)

 

果陣亨利都覺得佢咁答好有問題,

佢即時就問: 咁係咪唔洗食鈣片呢?

伍X珍姑娘又停左幾秒,

竟然語氣不好地再答我地: 你有食菜架可? 你有食豆腐架可?

我聽到佢咁答即時笑左出黎! (因為我覺得依位姑娘真係好唔掂~)

 

估唔到我第二次黎廣華, 又會遇上位咁差既姑娘, 真係不知所謂!

 

我見阿姑娘咁, 都不易久留, 跟住問佢: 係咪走得啦?

佢竟然即刻拉長個 “拜” 字同我地講 “拜~~~~~~~~~拜~~~~~~~~”….

(真係滴晒汗, CRAZY!!!)

 

然之後出去磅重, 度高同埋抽血就走得啦!

*************************************

4日後竟然收到廣華電話, 話我個Oscar test result係高危!!! :(

 

我話1.76都叫高危???

佢話其實係跟據一條以頸皮 x 血 x 年齡計出來的formula, 而我係屬於高危…

而且仲係1:126 (即係126名孕婦之中, 就有一個係唐氏BB的數率)

 

廣華建議我去做穿羊水測試(但有流產風險)或者搵私家再驗血做Nifty Test,

因為佢話政府驗血既儀器都有偏差喎 (囧)!!!!!

 

收左線後我忍唔住喊到傻左……………

跟住同亨利即刻上網睇下邊到可以做 Nifty Test~

 

好好彩在網上都揾到資料, 仲即時打去約抽血驗~

不過要等5日後… (依幾日心情真係好差, 度日如年咁, 好擔心小B)

終於等到9月20日去見劉子健醫生 (領峰醫務中心 @中環中建大廈409室)

坐底寫完form就可以入去見Dr. Lau~

Dr. Lau真係超nice,

最初同我傾下計, 問下家族健康背景, 我的生活習慣, 頸皮數字資料等,

跟住就去左一個好大既房照超聲波啦~

 

張床仲可以升高升底, 而且D照超聲波gel係暖既添, 好舒服~

Dr. Lau好細心, 一睇到頸皮就好有信心同我地講BB唔多似係唐氏B~

跟住就好似照結構咁同BB由頭照到腳,

佢仲同我地幫BB數齊D手指腳指添,

果時真係好感動呀… (心情都放鬆左好多)

 

跟住就去番Dr. Lau間房由佢親自幫我抽血!

由於我知道Nifty Test的result 要等約兩星期…

我都忍唔住問Dr. Lau可唔可以早D係我10月頭生日前知道result,

佢竟然答我多數無問題~ 我當時真係好開心呀!

 

************************************

7日後收到Dr. Lau診所的電話,

姑娘話我知Nifty Test result 係PASSED呀!!!!!

跟住仲email埋個報告我睇, 我真係開心到跳起呀!!!

結果係 1 比唔知幾多億份之1~~~ (Low Risk)

相對廣華計出黎既1:126, 真係差好遠囉!!!

雖然今次Nifty Test洗左六千大元, 但換來一個專業的安心, 都算值得!

 

講真, 之前真係俾廣華個Oscar Test result 嚇到半死,

儀器check唔準血既染色體同有咁大既誤差, 點解仲要幫孕婦做檢查呢?

幸好我有亨利同家人既支持,

如果唔係未生B已經有產前抑鬱,

到時真係多得廣華唔少囉!!!

 

Thanks GOD~~~

 

♡(✿◕‿◕)  希望大家喜歡我這次的分享~

歡迎留言給我或 email to amyblogblog@gmail.com (◕‿◕｡)❤