廈門之旅 - 後記 + Lomo篇

 

本來一個很普通既旅行，最後竟然成為我地最難忘既旅行...　 真係唔希望再有下一次...　坦白講，好彩係返大陸玩，如果係去遠D，好似日本又或者澳洲果類，咁delay法，我諗我會 "痴線"!!!

 

亦都好彩我地有買旅遊保險，最後會每人 compensate 番HK$1,500蚊 (因為 delay over 33 鐘），嘩，條氣當堂順晒!!!

 

此外，最近亨利迷上玩 lomo； 以下既相都係我鍾意既...

 

 

      

 

      

 

      

 

       

 

       

 

       

 

       

 

      

 

      

 

      

 

      

 

      

 

      

 

      

 

             

 

Finally, 廈門係一個舒服既城市，比較深圳同廣州乾淨! 我最開心就係依個地方既車係無超臭既氣油味... 唔似得深圳D車油臭到你嘔... 同埋天氣又唔悶熱，成日都好涼，正!  不過，講有咩野玩就無乜... 但悠悠閒閒去行下食下遊覽下, 廈門都係一個不錯既選擇!

 

 

廈門之旅 - 拱快又玩完啦!

 

本來四日三夜既旅程, 其實只係玩左二日一夜... 拱快又話要返香港, 真係有D唔夠喉呀!!!

 

一早起身係酒店游完水, 我地又去行街街啦...

 

無意中行去一間CD舖, 竟然俾我見到有彎彎出CD喎... 　嘩, 當然即刻試聽下啦! 哦, 原來係佢精選既流行英文歌...　(再加一隻動話VCD)  因為我好鍾意依個公仔, 所以都買左一隻呢!!（http://www.wretch.cc/blog/cwwany）

 

 

       

 

        

 

       

 

 

跟住我地就去左食日本野, 不過唔係叫左好多野食, 至在坐下; 因為我地想一陣去廈門果間 babycat's Cafe 再食過...

 

 

        

 

       

 

       

 

       

 

 

我地仲發現左間書店,  仲買左好多書呀!!! 張小嫻同亦舒果D散文&小說都係廿幾蚊一本, 超平呀!

 

 

        

 

 

廈門市中心果間 babycat 雖然無小白屋果間咁靚, 裝修同一般 cafe 差唔多, 但佢都坐得好舒服, 而且我杯 Mochaccino 又靚又幾好味呀！

 

因為前一日訂左餡餅, 所以我地順便取埋... Woo, D包裝都幾靚喎！一盒兩層共八個, 你地睇下...

 

 

         

 

        

 

        

 

        

 

        

 

        

 

        

 

 

 

 

 

廈門之旅 - 市內遊覽

 

遊完鼓浪嶼, 當然要遊覽一下廈門其他既地方, 由其是夜市...

好開心俾我地發現左一個地方, 名叫 "員當路" (譯音)...  依到有D似鯉景灣, 又似 Siam Square, 但依到更加靚同更加多餐廳...  行左約成三十幾間, 我同亨利就搵左 Geo Geo Cafe 食晚飯; 我地仲坐係二樓露台, 對面又係個河, 好有 feel 呀!!!

跟住我地打的去左一個叫 "明發商業城" 既地方.  雖然個名超老土, 但原來又有B&Q, 超高既(幸福)摩天輪, 鬼屋, 同一行多多商舖既地方...

 

 

       

        * 依條叫 "中山路"... 好似一般既步行街... 好長好多舖...

 

       

 

       

 

       

        * 兩蚊既花生湯... 原來都幾好味架喎!

 

       

 

       

 

        

 

       

        * 我地就係食依間啦... "Geo Geo Cafe"

 

       

 

       

 

       

 

       

         * 超高既摩天輪... 我地無畏高, 但去到最頂都有D驚驚地呀!

 

       

   

 

 

 

鼓浪嶼 - babycat's Cafe

 

babycat's Cafe 係一間在廈門頗出名既 cafe...  廈門有一間, 鼓浪嶼有兩間...

 

當然我地先去間最靚既 babycat 食 tea...  依間白屋仔, 我之前睇過人地既 blog 都有介紹過, 見過D相簡直難以相信一間 cafe 點解會咁靚???!!! 個 design 仲好似希臘D小白屋咁...  好開心終於同亨利黎見識一下...  Oh, 真係好靚呀!!!

 

 

       

 

        

 

       

 

       

 

       

 

       

 

 

 

除左白屋仔之外, 我地仲有去左舊店訂佢地自家製好出名既餡餅 (綠豆, 綠茶, 南瓜, 黑豆沙, 香芋等口味)...   雖然我地無即時買黎試下, 但我地都訂左九大盒送俾家人同朋友做手信...  (我地臨飛前在廈門分店取, 因為佢地會係新鮮製, 並一定要在一星期內食晒)

 

P.S.  不過, 家下有D後悔無買多D, 因為唔夠分; D餡餅原來仲係好好食架... 如果我D好友收唔到我依份手信, 敬請見諒呀!!!

 

 

       

 

 

 

 

 

廈門之旅 - 鼓浪嶼

 

鼓浪嶼 --- 簡直係我地旅程中重要(必去)既一個地方!

 

由於旅程已經無左頭兩日, 所以亨利提議依日要去左鼓浪嶼先...

 

去完 Cafe Luwak, 我地就打的去 "輪渡" 坐船船...

 

原來鼓浪嶼只係在對面海, 好似由中環坐渡海小輪去尖沙咀咁近... (來回只需8蚊人仔, 坐上層就要加多一蚊一個人)

 

島仔環境優美, 可以坐環島遊既車, 不過我地無坐到... 寧願自己睇地圖周圍行下...

 

雖然島仔細細, 但內街多多; 我同亨利都為左要試唔同既 cafe 而迷路左好幾次...

 

我地仲見到有D婚紗攝影公司幫人影相呀... 所以可想而知依個地方都幾靚架!