唉... 近排好困擾........又可以話好黑仔......真係無話可說!
之前我係 blog 都有講過超級憎D無品人仕 --- 咳人. 近日我又再被依D人纏身, 仲搞到病埋...真係好慘! 
近排天氣唔好, 愛惜自己既人都應該保重身體! 可惜, 我邪到每當每日踏出街/ 一上車/ 一坐底在餐廳, 身邊的四周又或者前後左右, 總有一個咳人!!! 你有病有咳唔緊要, 最 PK 就係你地成日都唔會用隻手掩住個口黎咳, 我真係好唔明!!!??? 唔通放大個口咳會舒服D架咩??? 依D人真係超級自私兼無受教育!!!!! 
每次遇到依D咳人, 我都即刻當住佢面前用手掩口鼻... 之前返工返荔枝角, 我仲要無病帶口罩黎避依D人, 真係好無奈......
天呀!!! 我究竟前世係個咩人??? 點解依家成日都有咁多咳人跟住我?? 亨利仲串我, 話佢地其實係用"咳" 黎表示歡迎我, 真係俾佢激死...
香港政府呀, 唔該你可唔可以加重依種公民意識既宣傳呢????? 細菌傳播真係可大可少架!!!
