最近有幾個朋友都生左BB, 睇到佢地D相(由其左上同右上, 都係一個月人仔唔夠), 個個都好得意, 真係好想錫啖佢地呀!!!
另外仲有一個大少少既(中間果個扮緊波兒), 都係好鬼搞笑同可愛...
我同亨利都計劃兩年後先"努力做人", 因為家下想享受下二人世界先, 同埋儲定多D奶粉錢錢嘛... 但依排見到依D keep 住 update 既B相, 真係有少少衝動想生番一個呀!!!!! >.<
=> 不過, 或者唔知有無friend可以借佢地個B俾我玩番一兩日咁呢??? 俾我頂住D癮先, hahaaa....
P.S. 希望我既朋友&好友唔會介紹我copy左佢地寶貝既得意相啦...
最近睇過一個 blog, 知道有個名為 "最具夫妻相生活照" 既選舉, 我梗係又玩下啦...
坦白講, 身邊真係有人同我講過亨利同我個樣都幾似... 不過, 玩依個遊戲, 相信都唔係真係鬥個樣似唔似...
Anyway, 我都想你地幫下手投個票! 等我可以贏番份禮物開心下...
http://www.darizi.com/hk/events/couples_details.php?photo_id=78
咁大個女第一次去海洋公園過中秋… 上星期真係超期待同興奮呀!
多得公司下晝包左成個海洋公園, 我仲可以用員工價 HK$80一張成人票訂飛; 咁筍硬係即刻同屋企人去啦…
好彩包左個場, 好多上晝既遊客 (同埋D自由神) 到六點就要離場… 因為我地所有員工同家屬入去玩, 都要帶住一條手帶作記認… 我地可以係下晝四點半至夜晚十一點, 係裡面暢通無阻架!!!
雖然上年我既生日先去完海洋公園, 依家拱快又再黎… 但今次好開心呀!!! 因為好似十幾廿年都無再同屋企人黎; 以前黎既時候, 我仲係得幾歲咋!!! 加上我係第一次夜晚黎海洋公園, 感覺真係好唔同呀!!!
最近親戚們加添了新成員, 就係舅父仔既仔仔 - 凱峰!
依個BB真係好靚仔, 但其實舅父仔同舅母都唔係話好靚, 今次又一證明原來負負係會得正架!!! wahahaa....
依個表弟仔, 唔知點解個樣咁似 Lucus 既 (謝霆峰個仔) , 真係好搞笑......
* 得果12日人仔已經拱靚仔．．．真係好抵鍚呀!!!!!
* @ 滿月日
* 點解成個四哥咁既？
期待雖然唔係已久既廈門之旅, 本來都係滿懷歡喜去迎接, 兼買定防曬同帶定泳衣去同陽光玩遊戲... 點知, 今年黑仔到爆既我, 竟然俾個 "颱風" 黎迎接我...
當知道依個風係係打梗既時候, 我就不停打電話去國泰假期同保險公司查詢; 可惜, 原來如果班機要delay, 都要delay每六個鐘先有三百大元... 嘩!!! 真係多謝晒...... 我寧願唔要呀!!!!!!!!!!!!!!!!!!!!!!!!!! 我要起飛呀!!!!!!!!!!!!!!!!!!!!!!!!!!! 飛左過去, 係酒店hea都好啦..........(因為廈門既天氣都受緊個颱風影響)
點解早打唔打, 係要聽朝先打到香港架????? 早知今日飛啦...早知唔請假啦(仲要係no pay leave) ... 早知早知....
依家十萬個唔開心呀!!! 乜野心情都無晒啦....
* 咁大個女, 第一次見個風眼咁近香港... 到時真係唔知會點呢???
颱風 鸚鵡
在香港時間 二零零八 年 八 月 十九 日八 時的最新資料
(北 緯17.0度,東 經 127.1 度)
近期超鍾意既一首歌...
謝安琪 - 喜帖街
請放下手裡那鎖匙 好嗎
今日同亨利去左朗豪坊睇戲; 因為亨利今晚要返夜, 所以我地去左睇十一點鐘早場...
講真, 我咁大個人都好似未睇過早場; 不過, 真係估唔到原來都有咁多人黎睇架!!
亨利提議睇 "超(低)能特攻隊", 我之前完全都唔知係乜戲; 後黎上網睇先知原來又係果D《搞乜鬼奪命雜作》個類... Well, 笑下都好!!
點知, 真係笑到喊濕左兩張紙巾, 簡直頂佢唔順... 超好笑! 比我之前去睇個套爛片 "賤郎 300" 好睇過十萬倍呀; 因為佢低能得黎有劇情!!!
又係時候要開始準備我既 BIG DAY 啦... 今日上上下網, 見到一張好靚既帖呀!!!!!!
張帖係由 983wedding.com.hk 設計架, 如果抽獎抽到我同亨利就好啦!!!
你地都快D去參加啦~~~
http://wedding.983.com.hk/wedding-invitation-offer/category-3.html
