顯示具有 AK 大日子 標籤的文章。 顯示所有文章
顯示具有 AK 大日子 標籤的文章。 顯示所有文章

2009年3月20日 星期五

大日子的總結

 


我同亨利既婚禮可算係完滿結束.. 雖然唔係什麼世紀婚禮, 但所有既安排, 心情, 體能, 環境, 天氣都係最好既... 真係好多謝上天!  


(我整左個wedding album呀: http://ecfoto.net/awkc22dec, 得閒就去欣賞下啦...)


 


準備將會結婚既朋友, 你地可以參考以下既資料喔:  


1/ 婚紗禮服 – 顯卓


*  真係好好彩俾我揀到D襯我既裙; 當想試多兩條又話出晒街, 唉...


*  雖然依D真係一世人幫襯一次, 但佢既地面色同service真係....... 唉.....


 


2/ 註冊 – 奇妙姻典  (http://www.amazingwedding.com.hk/index/)


*  Highly recommend個幸福小教堂; 地點方便又靚又坐得多人...


*  佢地既staff好細心, 又緊張我地同我地rehearsal; 又教我地點企位, 戴介指時既手應該點放先影相靚都教埋, 掂!


 


3/ 攝影師 – KK Leung (http://www.kkbox.com.hk/)


*  有style又professional...  佢 team assistant 同 videoman 都一流!


 


4/ 化妝師 – Betty


*  有經驗, 好易夾; set頭同化妝都好有心機同好 update!


*  我已經有幾個朋友問 contact 都成功搵左佢, 真係"恭喜"晒!


 


5/ 花球 – Trinice Flowers (http://www.triniceflowers.com/wedding_bouquet.htm)


* 幾好既選擇, 因為有好多款, 價錢合理~


 


6/ 囍帖 – Joy’s Card (http://www.joyscard.com/)


* 幾好既選擇, 因為對修改既跟進快; 印帖時間又比預計快...  Good!


 


7/ 婚紗相 – 古風尚 (http://www.gfssy.com/)


*  好少香港人認識既婚紗攝影! 但其實係一間好有規模既婚紗攝影公司! 影相技術同D衫都好靚... 員工又超專業, 超有禮貌, 超好服務, 正!


唔信? 睇下佢地送既 music video 啦... (片頭分幾鐘先會開始首歌喎)


 



 ~~ ENJOY!!! ~~


 


 


2009年3月18日 星期三

GOOD SHOW - 送客篇


開心既時光過得特別快... 過多一陣間就要送客啦...

趁住仲有時間, 我同亨利四圍同朋友影相留念...


      



2009年3月16日 星期一

亨利唱歌仔



敬完酒, 又係換衫既時候; 最後一條選左A-line裙, 因為方便之後送客嘛!!!

一早同兄弟姊妹夾左, 唔想好似搞聯歡會咁中場玩遊戲或者搞抽獎, 而係會由亨利表演下, 同大家唱首歌, 當係送俾我...

但我從來都唔知佢會唱乜, 仲諗住佢唱首"愛很簡單"果類浪漫下, 娛樂下大家...

點知, 依個SURPRISE真係玩得好大喔!!!!!!!!


        


2009年3月13日 星期五

回味大日子 - 敬酒篇



食左一塊乳豬, 跟住就要換另外一條裙啦...

敬酒本來應該著條A-line裙, 方便行埋同D朋友抱抱...  hehee...  不過當我見到依條金綠色泡泡裙既時候, 我就即刻決定要著佢黎敬酒...  因為我覺得好靚呀! 最重要係可以襯D金器嘛!!!

敬酒依一part真係好開心! 唯一可惜係唔可以同晒所有既人影相...  因為我好鍾意依個look呀!


       



2009年3月12日 星期四

回味大日子 - 進場篇



完成左感動到喊既註冊之後, 我地就去酒樓啦...

兄弟姊妹各自分工未停過手, 真係無言感激...

跟住, 我就換左條勁閃既紫色晚裝同來賓影相啦...


       


    *  Jay, 我同亨利再次多謝你為我地設計左個AK logo同埋註冊邀請卡呀!!!


2009年3月9日 星期一

註冊@奇妙姻典 - 幸福小教堂



一切順利兼如時進行... 奉完茶俾老爺奶奶, 在家@1pm食埋飽飽既午餐, 跟住就即刻轉妝換婚紗出發啦...

註冊正式開始前, KK攝影師幫我影左幾張我超鍾意既相呀...


      


2009年3月6日 星期五

回味大日子 - 出門篇



計計下, 原來我同亨利結左婚兩個幾月啦…

依家睇番D相, 好似尋日剛剛發生完咁; 真係好回味, 好多回憶呀!!!

記得大日子前一晚上完頭十二點就上床訓, 但我細佬同佢女朋友仲幫我整緊第二日玩遊戲既野, 好夜先訓呀 (真係好感動)…

唔知點解心情一D都唔緊張, 仲一覺訓到天光六點起身食早餐, 等Betty化妝師黎…

到玩遊戲既時候, 我真係好想出去玩埋一份; 因為佢地笑得太開心啦…

Anyways, 真係估唔到性格堅強既媽咪, 到奉茶時喊到講唔到野!!! 而一直超眼淺既阿爸反而果一刻就無喊出黎; 不過我估佢之後去左lee埋左喊, 因為佢對眼腫左呀!!! 

    


  * 訓醒勁精神...  化番個靚妝同set個靚頭先 @7:45am...

2009年3月3日 星期二

超水準的即日剪片



前幾日終於收到晒所有既結婚相啦... 真係好好好開心!!! 雖然個Video要再等下先收到, 但我都覺得係值得既...

因禍得福, 俾我認識到一個超班既攝影師KK, 係我大日子既兩星期前誠邀佢幫我影相, 雖然埋單過萬, 不過好彩佢真係可以幫到我; 仲要到大日子既時間帶左成 team 人黎 (佢既助手們), 真係令我地大開眼界!!!

依個時候, 等我同大家分享我同亨利 Big Day 既喜悅啦:





精心挑選既歌:  曹格 - 愛愛



Remarks:  KK  -  http://www.kkbox.com.hk/ 


(未搵攝影師既好朋友, 我同亨利真係 highly recommend 你地搵 KK 依個超專業又細心既 photographer; 因為好既相片同 video, 先至可以令你地既大日子更加完美同有更難忘既回憶!!! )


  


   * 兩本大相簿(前面)連設計埋既封面, 裝晒我地1116張相... 真係好靚呀!!!


2008年12月20日 星期六

聽日結婚啦...

         

多謝酒樓送左依個賀稿俾我同亨利, 聽日將我地既大日子消息刊登東方日報, 話俾全香港人知, 一齊分享我地既喜悅, yeah!!!

P.S. 各位好朋友, 聽日見啦, 錫晒你地呀!!!

                        




2008年12月16日 星期二

唔好咁凍呀!!!



仲有五日就係大日子啦...

今日上網睇下天氣報告先, 嘩, 唔係呱, 無啦啦都要跌多幾度, 想凍C人咩!!!!!!?????



      




2008年12月12日 星期五

老細送的禮物



真係估唔到, 返左就黎三個月工 (下個星期先過 probation), 老細前兩日臨放工親手送左份禮物賀我結婚! 嘩!!! 我當堂呆左, 好唔好意思收...  話晒做左無耐, 我又日日準時放工 (因為成日趕去派帖或者飛返屋企搞結婚野), 所以真係唔想佢破費!!!

依個老細仲好人到話:  送俾你等你同未來老公買自己鍾意既野! 唔好OT啦, 一世人一次, 準時放工係應該...............

我即刻話:  我都唔好意思日日準時走... hehee... 好多謝你 understand 呀!!!!!

* 真係慶幸搵到一個咁好既 boss!

* 亦都好開心返埋下星期二就放婚假啦... 依間公司仲送我七日婚假, 真係無言感激!!!



    




2008年12月9日 星期二

哭了



距離大日子越黎越近, 但心情就好似無咁緊張, 只係好似有少少麻木左咁…

上星期因為一件事, 令我竟然係待嫁既時候喊左出黎… 相信如果你係我, 被個識左十年既人誤會兼放飛機, 同我講我結婚果日唔會幫我影相啦, 唔知你會點呢???  

最近, 忙於 confirm seating plan, 因為要盡快回覆酒樓圍數, 為訂菜好好準備; 不過, 依D時候, 竟然令我睇到好多人既真面目 (相信我唔可以再當依D人係朋友)!

我既大婚日子, 如果係真心既朋友, 佢地會替我開心, 同我講祝賀既說話, 會問我有無野要幫手, 會同我講會早D到, 會問我準備成點; 結左婚既朋友, 會俾我更多意見, 提我什麼要留意, 叫我唔好緊張… 而唔係搵其他唔知乜既原因去避你, 推你… 或者我唔可以叫失望, 因為原來由頭到尾你當佢地係朋友, 佢地就無當你係囉!

亨利仲話, 佢有D朋友無被邀請, 都主動搵佢祝賀佢, 仲話想黎飲… 聽到真係好開心!!!

今日輪到自己大婚, 深深感受到搞一個婚禮原來真的不易; 最後, 最想既都係想各方好友黎同自己祝福, 同自己分享喜悅, 就係咁簡單!



2008年12月1日 星期一

我的花球



終於又搞掂一樣啦, 就係我個花球啦...

花多眼亂, 其實有好幾款我都好鍾意; 但最後我選左依一個款:

         


因為個老細 Trinice 話依款個顏色其實好 sharp, 同埋依款個頭花會有好多...  所以最後我都信佢, 要左依款啦...



2008年11月25日 星期二

我同亨利的帖



自月頭過左大禮, 就不停係屋企做工廠女工咁入帖, 釘餅卡, 同印信封...

雖然忙, 但又好開心; 好開心咁打電話通知各界好友我終於嫁啦... 

好多謝有D細心既好朋友, 知道我開始忙, 寧願叫我寄帖俾佢地; 如果唔係日日要我出街食飯同派帖, 都唔知要派到幾時, hehehe...

P.S. 在此, 收到帖既朋友, 希望你地果日會早D到, 因為我地會準時八點半開席架啦!

通知左你但你又仲未收到帖既, 如你又唔介意, 麻煩盡快回覆我你個郵寄地址啦! 因為十二月頭我要 confirm 酒樓坐位啦, thank you very much and thanks for your understanding! 



      
 

2008年11月23日 星期日

兄弟姊妹Gathering



上個月前己約定, 11月22日, 即係尋日, 亦都係我同亨利既婚禮踏入一個月倒數, 約晒全部兄弟姊妹請佢地食飯兼作最後 briefing...

因為大家本身又忙, 我同亨利仲忙, 所以寧願黎個早少少既 gathering, 方便之後各自跟進...

雖然兄弟姊妹各自少左兩人出席, 但我地都好開心同有一個好 fruitful 既 "meeting"! 在此, 再一次多謝各位兄弟姊妹, 當日將辛苦大家, 為我同亨利既婚禮全力以赴, 做到最好!! hahahaa.....

P.S.  多謝你地叫我同亨利要好好享受果日既每個 moment...   真係好期待呀!!!


        




2008年11月20日 星期四

無奈



依排忙到不得了, 除左跟結婚野, 就係搬野去新居…

黑左咁耐既我, keep 住繼續黑…. 繼其中一個姊妹因健康問題幫唔到手之外; 最近又有一個姊妹因老公家有事, 有一大半可能不便參與喜事, 最後又要我好唔好意思地搵左第二個頂上…  真係唔知叫好彩定唔好彩…

上星期日去左個好友既婚宴, 好開心好感動; 本來可以 post D相出黎分享下, 點知張卡無啦啦死左… 真係好無奈!!!

前幾日去左同酒樓傾各項細節, 發覺佢地真係好 prof, 令我安心好多…  酒樓誇張到下個月只有五日個場係無婚宴咋, 可想而知有幾勁! 但佢地都好細心, 俾我同亨利係依五日內搵一晚俾一個鐘頭我地包左個場去試碟, 聽歌, 感受個效果; 嘩, 真係唔贊唔得呀!!!

不過好可惜, 我個好朋友攝影師, 到依家都未俾到個成長片段 video 我地, 連個demo 都未有呀!!!! 真係好唔開心, 前日仲差少少同佢係電話內開火… 係, 自問係一個緊張既人, 更何況係婚姻大事既事項呢??!! 依家距離我同亨利既大日子真係只有一個月, 開始忙依樣忙果樣; 到時佢整左, 我地都未必有時間即刻睇, 睇左又可能要改; 個陣時就更加無時間…. 唉… 究竟個個攝影師做得耐係咪都係咁既呢????? 



                       




2008年11月11日 星期二

我的簽名筆 - Part II



上兩個月前整左幾支簽名筆, 前幾日再一口氣整多幾支...

為左環保, 我用番之前做過姊妹帶既假花(黃玫瑰)做筆頭... 係咪好靚呢!!!

其他筆就用D新既小花整...

跟住包番絲帶就完成啦...

等我去買番兩個靚靚樽黎插住D筆, 到時放係 reception 俾人簽名先...

     


2008年11月9日 星期日

試妝 - Part II



唔開心左成個星期, 今日終於約左第二個化妝師到我家試妝…

依個化妝師果然唔同D, 睇佢既化妝用具同化妝品都好 prof.!!!

坐底之後清楚講出我既化妝要求, 頭髮都無乜講點 set就開始試妝…

今次就叫左一個姊妹同佢個朋友仔黎睇同俾下意見…

好開心, 今次個效果真係好唔同; 好底又打得好, 個妝好出, 好靚, 好鍾意…

試左兩個鐘就 confirm 一定要搵依個化妝師 (同cancel 之前果個), 不過, 依個新既當然係貴D啦…  但一諗起果日會拱靚, 真係乜都值得呀!!!!!!!!!!!!

P.S. 今次真係好好彩咁短時間都搵到佢, 而佢仲要推左之前個 job 黎接我依單, 真係好多謝 TONY既介紹呀!!!



          


2008年11月5日 星期三

過大禮



尋日過左大禮, 好開心呀!!! 亦都多謝天公造美...

我訓到十點, 跟住就係屋企做工廠女工咁入帖同 print 帖...

依個重要日子, 媽咪都邀請左姨媽黎我地屋企; 不過, 去屋企之前去左飲茶先...

過大禮既吉時係下晝三點, 所以我地飲完下午茶就坐的士返屋企等亨利同佢阿哥黎啦...

兩條友仔抽左勁多野黎仲抽到傻左, 仲要加埋著埋西裝黎, 真係加晒分啦...

不過, 佢地黎既時候, 我就閃左入房, 因為唔可以同亨利見面住...

當佢地“交收”完畢, 媽咪就叫我係房出黎啦...

最後媽咪就回番一個超大發餅同一D唔叫乜既糕俾番男家...



        


        * 姨媽 & 媽咪

2008年11月1日 星期六

試妝



尋日約左化妝師去我屋企試妝, 由下晝三點半試到成夜晚八點...

依個化妝師係之前我同亨利影過外景婚紗相時免費幫過我化妝時認識的; 所以今次我結婚, 都想搵番佢幫我化...

不過, 唔知點解今次試結婚妝就唔係太太太鍾意囉... 因為實在太濃 (好似有D娘) 啦!!!

此外, 以我所知家下都唔興假黏眼睫毛, 但我個化妝師都幫我試下效果 ---  嘩!!! 真係好唔自然呀, 同D eyeshadow 都唔係好得...

唉, 我真係由今日開始速成一下依家興乜野結婚化妝; 到時再叫佢幫我化..

不過, 好彩佢set既頭都好靚, 我都好滿意!!!

Remarks: Thank you 姊妹 Sally 陪左我成日同幫我影相呀!