Buffet @ 香港富豪酒店

 

尋日好開心去左銅鑼灣間富豪酒店食buffet...

依間都係我同亨利第一次去食... 地方細細, 但野食都算多選擇呀!

除左有大路野之外, 特別既係有個印度人即場整烤薄餅... 連埋D辣辣咖喱, 真係幾好味喎...

仲有個超多款既沙律bar, 正呀!

不得不提, 就係有我最鍾意食既鵝肝同埋 Haagen-dazs 雪糕呀!!!!!!!!!!

 

       

   *   雖然無生蠔, 但都有焗蠔...

 

       

 

       

     *  好大舊鵝肝呀!!! 仲有亨利既一D同事... 

 

 

 

芒果布甸

 

好開心係黎緊既星期六有一班好朋友黎我屋企...

見今晚得閒, 我放工即刻買材料整我最拿手又超容易又好好味既"芒果布甸", 準備讌請我既好友呀, hehee....

 

     

    *  三大個呂宋芒... 超甜呀!!!

 

     

   *  唔少得既芒果粉同鮮奶... [今次我一共用左兩包粉同兩盒奶整]

       (一包粉+一飯碗熱水; 灘凍後再加一盒鮮奶&芒果粒粒) =  約5 碗細布甸

 

     

    *  將芒果切粒粒...

 

     

    *   準備分入碗仔啦...

 

     

    *   可以入雪櫃啦...

 

       

       

Remarks:  星期六見啦... My Best Friendsssss!

 

 

Physical 做 Gym & Facial

 

最近同同事傾開, 原來Physical做緊promotion, 只要用HK$500就可以入會做gym玩半年…  嘩, 好吸引呀!!!

諗左一日, 就決定搵同事介紹入會, 我就可以享用依個優惠啦…

開始左張卡兩個星期, 去過兩次…  可能因為我去果間超多人, 最大問題係個場太細 (相信應該係最細既一個), 仲要係男女用既場, 真係已經唔係好想再去…   我已經一放工就飛去, 但都滿晒人(@6pm)!  根本玩唔到自己鍾意甚至適合既器械…   唯有求其見邊樣無人用就跑去用, 唉, 真係無乜mood玩…

我諗家下要用星期六/日去D大場玩先得; 如果唔係, 五百蚊就反而蝕番俾佢啦…

此外, 拱大個女, 第一次買左個做facial既package…  hahaa…  其實我結婚之前都無做facial架, 平時都係用下“我的美麗日記”mask / Origin 既 Drink Up / Bioderma 既去角質磨沙拱囉…

不過最近先深深感受到原來做facial 係拱舒服架… hehehe…  希望做完會仲靚D呀!!!

 

       

       * 我做 gym 唔係要減肥架, 而係要打好個底黎增肥呀, hohohoooo...

 

 

遲收的結婚禮物

 

首先要再多謝阿肥既心意...  雖然依位新朋友買俾我既結婚禮物一早已經準備左, 但到了家下我先得閒去收, 真係唔好意思呀...

Anyways, 我同阿肥果日係 Elements hea 左超過6個鐘, 真係好厲害呀!

去完 1882 食tea, 跟住行陣街街, 再接力去食千両當晚飯...  嘩, 原來開心係好容易架!!!

 

      

 

      

   *  好靚同有意思既Kitty相呀 ~~ 係我既最愛!! Thank you very much Julie!

 

 

Applegreen @ 河內道

 

上個月同左D舊朋友食飯, 去左一間好正既餐廳食, 都唔記得同大家分享一下...

多得姊妹 Mavis 提議, 去左尖沙咀河內道既 Applegreen; 夜晚七點未夠都已經坐滿人, 但餐廳女多男少, 可能因為依間野主打係 "沙律"啦...

我地叫左好幾款沙律, 又有pasta同香腸, 最後仲試左甜品...

全部都係我最鍾意食既, 由其是佢地既蕃茄牛油果沙律, 簡直係賣飛佛呀!  

 

     

       

     * 多謝阿Pat送左 Lane Crawford 既 Gift Card 作為我既結婚禮物...

 

       

     * Really happy moment........  我會再去食架!!

 

 

伊甸園 (Hall 1) 新註冊場地

 

前陣子同左我個未來弟婦去睇註冊既場地, 因為佢地會係黎緊既十二月結婚啦...

聽聞伊甸園@中環碼頭 Hall 1 有個靚場, 而剛巧佢地又做緊開放日; 所以我就陪 Elaine 去睇下啦...

原來比較靚D果個場, 就剛剛在柏麗灣碼頭既樓上... 入口地方既感覺就真係麻麻地... 不過入到去就裝修得幾靚... 好有酒店 feel... 跟住一直入就係個註冊場啦...

 

        

        

        

       

    *  入了正門, 有一張長 bar 枱... (未入窗簾前既區 - 係俾早左半小時到既新人&

        親友休息用既)

 

        

     * 入左窗簾布後, 就係來賓區 (即半小時註冊包用既場地)

 

       

    *  正式註冊既入口啦...

 

       

 * 粉紅色進場地毯

       

       

   *  大落地玻璃... 右面張枱就係用黎正式簽註用啦...

 

       

   

       

      

   *  個場既右面 (上同下的相片) 係用黎完禮後同家人朋友影相既位置...

      

 * 依邊靚D

      

 

總括黎講, 個場裡面係幾靚幾 grand, 起碼好過其他現有伊甸園既場...

不過, 唯一最大問題, 就係個背景大玻璃可能會有背光既問題; 雖然我地都問左現場一個顧問, 佢就話以專業攝影師既相機, 影出黎"應該"無問題喎.... (嘩, 真係有D危機)

Anyways, 希望到時個專業攝影師會handle到啦... (因為細佬同Elaine都confirm 左依個場啦!)