廈門之旅 - 喜來登酒店

 

等到頸都長終於飛到去廈門... 一個鐘頭既飛機, 背後竟然用左超過三十三個鐘頭等待既時間...  真係坐車都到左啦!

好彩之前叫左亨利打定電話同 Sheraton 講航班因香港打風取消既問題; 亨利用佢好叻既普通話講講講, 最後酒店可以俾我地第一晚無訓到的 extend 多一晚, 真係好開心呀!!!  因為個國泰假期 package 其實係三日兩夜 only, 但我地一早將機票 extend 多一日先返香港, 而第三晚本來 plan 去鼓浪嶼 stay...  但宜家寧願訓多晚酒店啦...

落左機出左閘已經係晚上九時三十六分... 好彩酒店離機場都係十五分鐘左右... 加上亨利叫左酒店車接我地, 所以我地好快就到左酒店啦...

 

        

        

        

        

        

        

 

難得一到, 亨利話要出街逛逛...  廈門既治安都好好, 所以我地都唔驚! 放底行李就同亨利閃出酒店巡視下...

我地發現酒店附近有間 bar, 不過就無乜人坐...  再行多D, 發現一間炭燒吧坐滿人, 仲要露天成十張枱都爆! 不過好好彩, 裡面有張二人枱, 我地即刻坐底...

我地少少地叫左個燒魷魚, 羊肉串, 同半打炭燒蠔加三杯蜂蜜檸檬, 好滿足呀!!!

 

        

        

        

        

        

        

 

 

廈門之旅 - Delay No More

 

因九號風球 cancel 左班機, 我同亨利睇完3D戲即刻走去CX個 counter 問下有咩 update, 順便 reserve 定第二日既位...  點知CX第二日無機去廈門, 而個地勤姐姐就幫我地轉坐港龍機; 起飛時間為中午12:50分!

由於打風有五百班機取消左, 加上又有原定星期六要飛既機, 所以個機場一早已經超多人...... 好彩我地之前一晚搞掂晒D位, 所以食完早餐 check out 埋酒店就入閘!

好可惜, 我地又要再一次被受打擊!!!!!!!!!!!!!!!!!!!!!

12:50分班機要 delay 到下晝5:45分......嘩!!! 真係人都癲呀!!! 又要 hea 多半日, 點搞呀!!!!! (唯有叫亨利即刻去 KA 個 counter 攞 coupons 食野先)

無聊(兼無奈)左半日, 終於可以上機啦... 不過, caption 又話由於航空交通流量管制, 家下需要 delay多 一小時四十五分鐘!!! OH MY GOD!!!!! (全機人即時鼓譟...)

天光等到天黑... 飛到去都要覺覺豬... What a SUPRISE trip we have!!!

 

       

        

       

        * 真係想像唔到十幾個鐘頭前仲係九號風球...  你睇! 依家就藍天白雲呀!!!

       

        * 不過, 好天又點呀!!! 都唔關我地事... 咁 DELAY 落去真係好慘呀!  

       

       

        * DELAY NO MORE!!!!!!!!!!!!!!!!!!!!!!!!!!!!!!!!!!!!!!

       

        * 雖然D coupons 對我地黎講都已經彌補唔到D乜... 但我地都要去食盡佢!!!

 

香港機場之旅 - 龍門客棧

 

晚餐本來想食西餐, 不過亨利見到酒店間"龍門客棧"有個套餐好想食, 所以我地就去試下...

 

個套餐好豐富, 服務同食物水準都好好, 不愧為酒店中既食店...

 

不過, 我地用黎作 dinner 既 coupons 只可用 total HK$400 (for two), 而依餐最後仲要補多HK$170呀... 我地真係(好似)好豪呀!!!!!

 

 

       

 

       

 

       

 

       

 

       

 

       

 

       

 

       

 

       

 

       

 

       

 

 

 

        

香港機場之旅 - 地心探險記(3D版)

 

由於仲未知道第二日班機可以飛幾點, 所以唯有隨緣兼開心去享受一下酒店同行下機場...

 

印象中, 好似未有感受過咁勁既風; 今次仲要唔係屋企度過, 感覺真係好難以形容!!!

 

食完個 lunch 已經掛起九號風球. 依個時候已經無晒飛機上落, 而機場都有好多人無奈的坐, 有D就無奈的不斷睇個 screen, 仲有D訓晒張櫈同地下休息, 真係好慘呀!!!

 

我同亨利算係好好彩...  有間五星酒店收留兼包食三餐... 如果我地班機係下午飛既話, 可能就咁好彩; 因為D房好快爆滿, 果陣時有家又歸不得, 就大大獲啦...

 

我地除左去玩左一陣gym, 跟住就去左翔天廊 (機場二號客運大樓) 行下, 仲好開心提議亨利去4D戲院睇 "地心探險記"... 好surprise呀!!!  除左故事ok之外, 帶左唔會暈既3D眼鏡睇真係超級立體架!  我地仲俾水噴濕晒, 同埋加上D現場效果(大風同煙), 真係好正!  HK$75蚊一張飛都算抵睇啦...  如果張櫈可以郁埋就 perfect 啦, hahaa...

 

 

        

 

        

 

         

     

        

 

        

 

        

 

        

 

        

 

 

香港機場之旅 - 富豪機場酒店

 

好彩我同亨利以前都無住過富豪機場酒店, 所以大家對依個地方都充滿新鮮感...

 

好打唔打, 搵正依日打風; 我地都無話可說... CX 叫我地六點後再去 counter 查詢, 所以我地都將開心既心情轉移左由酒店開始...

 

個房好大, 又睇晒飛機降落, 正!!! 不過, 入夜D風呼呼聲超勁, 都有少少驚!

 

由於我地個行李寄左上機, 所以要去返機場行李部攞番; 如果唔係聽日無衫換...

 

搞左一陣, 個肚開始肚餓啦! 係時候要豪駛我地D coupons 啦...

 

我地搵左間日本野食 lunch, hohoho, 一句講晒, 正!!! 真係多謝CX請我地食餐拱正既 lunch呀!

 

 

        

 

        

          * 一間不過不失既五星級富豪機場酒店

 

        

 

        

 

         

          * 一人HK$130, 食多就補番... 最後我地補多HK$10加送HK$10 tipsss

 

        

       

         

          * 亨利叫左個海膽炒飯

 

"廈門之旅"變左"香港機場之旅"

 

我同亨利原本上星期五 (即係九號風球) 朝早坐CX飛去廈門; 不過, 最後竟然變成 "香港機場之旅"...

 

晨早六點起身仲起三號波波, 睇埋 NOW TV 既 flight 又無話取消, 果陣時真係超開心梳洗準備出門口...

 

同亨利去到機場 (雖然剛掛左八號波波), 好順利 check-in 埋 , 食埋早餐就等上機...

 

九點二十五分上到機, 我同亨利都好期待起飛既一刻; captain 仲講下歡迎辭同天氣...  點知人算不如天算, 前後唔夠十五分鐘, captain 就話天氣突變, 風力超出安全標準, 決定 "取消" 此航班!!!!! 嘩!!! 我同亨利當堂呆左!!!!!

 

不過, CX應變真係超快!!! (要俾五個叻) 坐左一陣, 空姐即派每人一份簡單既小型三文治同果汁; 跟住 captain 就話立即安排大家入住富豪機場酒店..... OH! 大家都開心到笑 (無奈的笑~~ 但又好過無!)

 

CX好豪, 除左俾我地即刻入住酒店, 仲每人俾左 HK$440 coupons 我地食早, 午, 晚三餐時用架!!! 

 

就係因為依班 flight cancel 左, 我地既 "香港機場之旅" 就因此而開始啦...

 

 

       

 

        

        * 八號風球下的天氣...