好開心今日重陽節放假, 除左可以訓耐D之外, 就係可以整下野食…
岩岩就靜靜雞整左我同亨利都好鍾意食既 <林明頓蛋糕仔> 啦… 諗住俾個驚喜亨利...
每次去 Pacific Coffee, 我同亨利都會叫 Lamington Cake 架…
其實整法真係超級簡單, 材料只須: 朱古力, 蛋糕, 同埋椰絲就 ok 啦...
跟住就將蛋糕切粒... 當然你可以自己焗埋海綿蛋糕啦... 不過我就係一個 "焗爐白痴", 所以都係買現成既蛋糕啦...
今日先知道原來唔係隻隻朱古力都可以煮得溶... 唉...
好似 Merci 朱古力咁, 煮到一舊舊, 唔合格...
下次都係買吉百利試下...
* 最後都要出絕招, 就係依支朱古力醬啦...
只要係快手將蛋糕仔搽滿朱古力醬, 跟住就滾滿椰絲就搞掂啦!!! 最好跟住雪番十五分鐘左右, 就會仲好食呢!
* 成功又好味又容易之作 --- 林明頓蛋糕! 做下午茶真係一個好選擇喔!
沒有留言:
張貼留言