作為廚房CEO,
實在頗享受每天為家人準備一頓健康又好味的愛心晚餐~
但大家可知道尤其在三十幾度的炎夏,
由準備到烹調, 真是一件不容易的事!
最近好開心收到PureLiving送來的皇牌產品"Umami蒸鮮鍋"~
令我宜家煮飯變得舒服輕鬆又省時,
最重要係可以煮到好味的好餸呀!
2016年8月18日 星期四
2016年3月21日 星期一
[士多啤梨迷注意] 我的健康美肌煮意小分享(Korea Strawberry)♥~
每到超市,
生果必定是我最愛行逛的部份之一~
最近我發現Market Place by Jasons超市的一個生果櫃,
放滿一盒盒粒粒紅潤飽滿的士多啤梨,
而且包裝更用了韓國人氣小企鵝Pororo公仔, 好吸引~
由於我和卜B都是士多啤梨迷,
加上價錢一盒也只是二十多元~ (我沒有眼花嗎?!)
所以我也想不到不買的藉口,
即時掃了兩盒回家試下!
2015年8月27日 星期四
輕鬆DIY健康窩心美食 ♥惠而浦全新美の慢磨機 & 速製雪條機♥
最近我的生活變得越來越健康, 全因收到惠而浦最新推出的美の慢磨機~
還有隨機附送的速製雪條機, 令我輕鬆享受健康好生活之餘, 亦加添不少樂趣, 哈哈...
2014年5月26日 星期一
♥我的夏日美肌瘦身方法♥ [附紅醋食譜小分享]
我最愛的夏天終於來臨啦~
為了出動吊帶和短褲來迎接,
我已開始了我的美肌瘦身生活!
最近我更發現身邊有不少朋友都DIY排毒水果醋,
不過由於浸泡時間需時兼要不少準備功夫,
所以我都未有動工!
2013年2月17日 星期日
[自制浪漫] ♥ 我的難忘情人節晚餐 ♥
早前正當大家都忙著為情人節妝容, 服飾和禮物做準備的時候,
我就掛住 “食”, 哈哈…
這年的情人節對我來說真的很特別!
既沒有花, 又沒有禮物, 沒有朱古力, 甚至心意卡,
但就有充滿愛心, 花盡心思和時間炮製的 “自家情人節晚餐”! :)
初五的情人節亨利要返工,
下午我自己走去超級市場買了很多準備晚餐的材料喔!
2010年4月15日 星期四
2010年4月7日 星期三
飲左會由內靚到外既羅漢果茶
未睇蘇絲黃之前, 都已經知道羅漢果既好處…
近日上網了解, 原來佢既功效真係唔簡單架!
平日間中飲下, 可以解除發病隱憂, 即係排毒呀…
放左幾日復活節假期, 日日出街食… 想簡簡單單的 “進補”, 就可以煲下 <羅漢果茶> 啦!!!
只要:
1/ 一個 (用水沖沖表面就夠) 羅漢果壓碎外皮, 然後將裡面既種子分開
2/ 最少要放兩公升水落個煲 (即 2000ml)
3/ 水滾後先放碎左既羅漢果, 用中火煲二十五分鐘
4/ 跟住熄火, 攤十分鐘先飲
其實依個份量可以整到四杯架! 如果飲唔晒, 就入樽雪入雪櫃第日慢慢嘆…
* 一次用一個黎煲就夠架啦!!!
2010年4月1日 星期四
白汁肉丸帶子蝦墨魚麵
心血來潮想整西餐做晚餐, 依晚就決定整個 <白汁肉丸帶子蝦墨魚麵> 啦!
由於放左工先可以準備各樣野, 所以今次依個白汁, 都係買左罐快靚正既金寶周打蜆湯做個麵汁...
另外材料就有: IKEA 買既肉丸, 鮮蝦, 帶子仔, 三色椒
至於個墨魚麵, 就係之前行SOGO 時買既…
仲有樽雜錦香草, 好香呀! @ Citysuper 買既…
首先煮熟個麵先… 個墨魚麵都要煮成十分鐘先至淋身呀!
跟住就分別將各樣野炒至七成熟先…
最後再開爐煮個湯底加半罐水煮滾, 然後就順序將肉丸, 鮮蝦, 帶子仔, 三色椒煮多兩三分鐘~!
搞掂, 上碟… 加番少少香草, 食得!
超開心呀! 個賣相超得! 亨利一見到仲嘩左一聲出黎呀!!!
Hehe… 不過佢話個汁如果濃味DD就perfect喎! 好啦, 下次等我試下加少少芝士煮個白汁先…
* 只係用以上咁簡單既材料, 就可以煮一味又健康又正既晚餐啦...
2010年3月21日 星期日
薑汁撞奶 - 超容易整喔!
好開心呀! 又一成功之作 – <薑汁撞奶>!
從前在娘家時, 媽咪間唔中都會整薑汁撞奶俾我地食… 因為佢話又容易整, 又健康! 但係, 我就無問佢點樣整, 因為如果以前一想食, 只要同媽咪講, 佢就會整係我食啦!
前幾日返娘家, 終於忍唔住叫媽咪表演一下啦!
嘩, 原來材料簡單之餘, 整完食埋都唔駛半個鐘咋! 真係快靚正…
其實整依個薑汁撞奶, 最重要係留意當中既 “技巧”!
步驟 (以兩小碗份量計):
1/ 預備好較乾身既薑
2/ 一定要用 <維記> 鮮奶 (因為只有用水牛奶先至可以撞得到架!)
3/ 磨薑汁至少要用五蚊 size 咁 (在碗中); 如果鍾意薑味濃, 當然可能用多D薑汁啦!
4/ 用中小火煲盒 <維記> 鮮奶 (同時間放一茶匙糖). 依一 part 係超重要! 係要好留意個火... 當一見到煲到奶既圍邊出現好多既泡泡仔, 就要熄火啦!
5/ 跟住動作唔可以停咁拿住個煲同埋個量杯
6/ 互相好似拉絲襪奶茶咁互拉, 第七下就倒入個碗度
7/ 等五至八分鐘, 成功左! 食得啦!
今次係我第一次整咋! 真係超開心成功整到! 真係要多謝媽咪傳授左個咁正既 “秘訣” 俾我!
P.S. 薑汁撞奶有溫補同驅風既功效. 平日鍾意飲凍野或生冷野既人, 應該多食薑汁撞奶, 因為可以調整過寒的體質 & 有驅寒暖胃之功效. 而且仲有養顏同治胃痛的功效架!
* 材料簡單到只要有: 維記鮮奶, 薑, 磨薑器 & 量杯就 OK 啦!
2010年3月5日 星期五
好味又簡單既 <南瓜蒸排骨
雖然每日放左工之後都好攰, 但諗起煮完餐飯可以同亨利開開心心咁食, 辛苦D都唔緊要呀!
要準備一餐飯既功夫其實都唔少, 起碼要先洗, 要浸, 要切, 要醃, 跟住煮, 但為左我同亨利既健康, 屋企煮總好過出街食味精野!
最近無意間發現有一樣好味又簡單既餸, 就係 <南瓜蒸排骨> 啦!
廿蚊排骨, 洗淨再用基本野醃好 (跟住再加麵鼓又或者用豆鼓醬都得…) 加埋切好既南瓜片一齊蒸 25 分鐘, 咁就食得啦!!!
蒸緊既同時, 再抄番碟靚菜… 就可以開飯啦!
* 買廿蚊腩排唔要太肥... 洗好就可以醃架啦! 醃大約半個鐘之後, 就再加少少蒜蓉豆豉醬...
2009年11月29日 星期日
椰汁木瓜雪耳糖水
踏入秋冬, “進補” 真係唔少得…
不過, 我所謂既 “進補”, 就係除了勤力敷面膜之外, 就係煲多D湯水飲同埋整糖水食…
尋日第一次整左一個超簡單又好好食仲好潤既糖水,就係 <椰汁木瓜雪耳糖水> 啦!
真係估唔到原來係咁易整… 如果出街食, 依碗糖水就貴啦!
只要準備浸軟既雪耳, 南北杏, 一個小木瓜,一罐椰汁, 同埋適量冰糖就搞掂啦…
二人份量:
用四碗半水煲; 水滾後放入南北杏同雪耳用中火煲半個鐘... 跟住轉中至細火加入冰糖煮一陣; 放入木瓜... 同埋倒晒一罐椰汁... 煲多約十五分鐘熄火!
* 浸軟雪耳, 跟住洗淨剪小份...
* 小量南杏北杏 (沖沖水)
* 快達牌椰汁... 如果唔鍾意食又或者怕肥, 可以唔落架...
* 又平又靚既細木瓜一個
* 煲好啦!!!
* 甜度岩岩好! 我同亨利一人一碗, 正呀!!!
2009年10月29日 星期四
越式米紙卷 Rice Paper Roll
今日搞搞新意思, 做一個越式米紙卷做晚餐...
材料包括: 生菜, 青椒, 蟹柳, 紅蘿蔔, 牛柳 & 春卷皮...
其實要做依個卷真係超級簡單, 只係之前既洗切醃炒需要一D時間...
2009年10月25日 星期日
2009年9月2日 星期三
2009年8月12日 星期三
2009年8月8日 星期六
白汁磨菇蜆肉螺絲粉 (第一次整咋)
心血來潮好想整個白汁野既螺絲粉... 所以就即刻買材料試下整...
材料包括: 蜆肉, 磨菇, 金寶薯仔磨菇湯, 碎牛肉, 娃娃菜...
1/ 先將蜆肉洗淨浸水放鹽放隻叉令佢地吐沙 (廿分鐘左右)
2/ 碎牛肉用基本野醃15分鐘左右
3/ 洗淨磨菇切片
4/ 一束娃娃菜洗淨切開
跟住就可以開罐薯仔磨菇湯 (加大半罐水) 煮滾, 加蜆肉, 磨菇, 略炒過既牛肉碎, 娃娃菜, 最後加埋煮好既螺絲粉...
上碟後洒上芝士粉, 食得啦!!!
2009年7月29日 星期三
2009年7月20日 星期一
2009年7月18日 星期六
訂閱：
文章 (Atom)