Surprise dinner @ 汀蘭居

 

好耐都無 update 個 blog 啦...  皆因都係一個字 - “忙”!

近排一星期放工後返兩日瑜伽班, 感覺真係好好...  真係覺得自己健康左呀! 

唔洗上堂既時候, 我就繼續努力做好 “陳太” 既本份! 就係煮飯啦, hahaa…

上星期六我同亨利去左尖咀行街街; 到黃昏, 佢無啦啦話帶我去個 “正”地方食晚飯...

Well, 沿途我問極佢又唔肯講去邊, 神神秘秘咁...

最後, 我地去左一個叫 “汀蘭居” 既地方食飯...

心諗, 會所黎架??? 但又咁似酒店既??? 後黎先知係 service apartment…

依度有一間西餐廳, 雖然餐廳既裝修同一般既都無乜特別, 但服務就好好...

估唔到亨利早有準備, book 左枱, 仲可以坐係餐廳唯一一張既露天坐位... 可以靜靜地食野同埋欣賞汀九橋 & 荃灣夜景!

我地叫左 <鵝肝南瓜意大利飯>, <牛肝菌忌簾湯>, <咖哩羊肉配中東飽及白飯> & ...

雖然今餐都唔算平, 但我都好開心亨利為我準備既 surprise dinner 喔!!!

 

P.S. 汀蘭居@荃灣油柑頭青山公路123號

 

      

  * 環境清靜, 好似幾好住咁...

 

      

  * 汀蘭居的大堂好大好似酒店咁呀...

 

      

  * 轉落就係西餐廳啦...

 

      

  * 依度就係西餐廳啦… (入口 係 bar, 有好多西人飲下酒睇下電視)

 

      

 

      

  * 我同亨利既露天坐位真係幾好...

 

      

  * 露天位只有一張枱, 我同亨利好似包晒成個地方咁... 仲可以靜靜地欣賞靚靚夜景!

 

      

 

      

  * 另一面就係荃灣夜景, 一樣咁靚...

 

      

 

      

   * <牛肝菌忌簾湯> 幾好味!  飲完好飽肚呀~!

 

      

  *  <鵝肝南瓜意大利飯> 賣相好得… 個鵝肝仲要係心型架… 不過我就覺得唔係好濃味, 一般水準吧!

 

      

  *  <咖哩羊肉配中東飽及白飯> 就唔係好夠熱, 可能我地掛住食其他野先...