生日預告

上星期六係運動日, 我同亨利去左球場跑步同做運動... 好開心!!

為了預早同亨利慶祝生日, 我地跟住去左荃灣行街食晚飯. 行行下街, 亨利無啦啦話唔見左銀包... 嘩, 佢個樣 down 晒好緊張同好擔心; 因為依件事, 搞到大家心情由高跌到最低點... 但由於佢又唔肯定其實佢有無帶個銀包出街 (真係俾佢激死)~ 唯有即時諗到一個最快既方法 find out, 就係佢叫佢媽媽坐的士到佢屋企睇下個銀包係唔係枱面..... 如果唔係, 就即係俾人扒左去, 要去警署架嘛!! 係依段期間, 唯有安慰住亨利話佢銀包多數係屋企!! ^_^''''

隔左一陣, 多謝佢媽媽報喜, 令亨利放下心頭大舊石!! (不過下次亨利再係咁, 我就打扁佢)

好肚餓啦, 雖然之前都無心機行街, 但都想醫左個肚先...

我地去左一間以前想試既餐廳 Olive Cafe & Bar.   Woo...surprise!! Nice food,
nice environment with nice songs! 真係無選錯!

雖然下個星期四先至係亨利正日生日, 但我仲未買禮物呀!! 不過, 如果亨利真係睇岩新電話, 就不如當係生日禮物啦...