真係要多謝媽咪送左一套我超鍾意既龍鳳被 set!!!
亦都多謝好多 bloggers 在網上提及雅芳婷做緊盤點大減價!
所以我地走左去旺角始創中心間旗艦店睇下; 嘩, 佢竟然放左兩大套我最鍾意既 Hello Kitty 龍鳳被作參觀...
我屋企長期都係用雅芳婷, 因為質料真係好靚架; 最正就係D被心可以扣住被既四隻角, 唔會周圍走... 依家又做緊大減價, 有九折再又折, 真係好抵呀!!!!!
由於我地想結婚之後平日都可以用, 所以唔買太紅. 而媽咪又隨我地喜歡, 所以最後我選左粉紅色既一套!!!
雅芳婷家下仲有免費繡名服務呀, 我同亨利個名同結婚日期會繡係個 pillows右上角架!! 我地個 set 加多張冷氣被心折上折要 HK$1,303 大元, over 左一千蚊仲會送貨去我地個新居呀, 真係好好服務哦!!!
等多三個星期, 我地就會收到啦....
* 整到咁鬼靚!!! 一見就好鍾意啦!!! (我地就係買左依一套淺粉紅啦!)
* 依套中式都好鍾意架, 不過又好似太過紅...
* 包埋 Kitty 禮盒同送一對心型小 cushion...
我同你big day 一樣, 得閒過嚟我個blog 到睇啦! 我都睇中粉紅色 hello kitty 龍毯被, 但我未買呀!
回覆刪除[版主回覆07/02/2008 10:49:00]Wooo..... Congratulations!!!!
我仲有好多野未 prepare 呀!! 你準備成點呀?
sorry 打錯應該係龍"鳳"被
回覆刪除陳列品show出黎真係靚到即刻想買返套~~
回覆刪除[版主回覆07/02/2008 10:54:00]係呀!!!
Set 左成套出黎睇法真係好唔同...超靚呀!!
嘩...好靚呀! 而家好多人都冇所謂唔一定要傳統既大紅啦
回覆刪除[版主回覆07/04/2008 16:33:00]真的嗎??? 剛剛我有個朋友話粉紅色唔好意頭喎!!!! 唉, 搞都我個心又想換左去又或者要買個第二套呀!!!!
其實睇妳自己點睇啫。給我就冇所謂啦。反正都買咗又係妳媽咪送添。如果妳真係咁介懷嘅就買過啦。好過成日心囉囉孿
回覆刪除[版主回覆07/07/2008 23:17:00]我諗我唔會再買啦...因為一世人只能買一次, 意頭嘛!!! hohohooo....
不如妳問下d老人家意見啦, 如果佢地都覺無問題咪ok羅, 不過傳統就真係唔會用粉紅色架, 因為有另外的意思的.
回覆刪除[版主回覆07/07/2008 23:19:00]老人家?? 我阿媽仲 in 過我...
hehe.... 我諗我唔會再換第二套!! 不過 G.O.D 個套我會照買 for 結婚一個月後替換的!!
咁妳未來老公仔呢? 都要問問佢屋企人家麻!!
回覆刪除[版主回覆07/09/2008 12:48:00]佢地都無所謂呀!!!
最緊要我鍾意喎....
kuromi的黑色城堡
回覆刪除官方E http://www.hkblackwonder.com
九龍彎國際展貿中心
(去看看)
[版主回覆07/16/2008 19:21:00]Oh, thank you 呀肥.... 我都好想去, 不過仲未有時間呀... :(