HAPPY 2009

陳生陳太祝各位: 新年快樂, 開開心心, 幸幸福福, 健健康康!!!

你地睇, D相係亨利老公係屋企窗前影架!!!



     

     

     

         

     

                          YEAH!!!!! HAPPY NEW YEAR!!!

親自下煮的第一餐

尋日正式煮左一餐晚飯俾我個亨利老公食, 真係好開心呀!!!

雖然都整左成個鐘頭, 但一諗起佢一放工 (尋日佢都要返工) 就有得食, 感覺 (好似) 好鬼溫馨呀!!!

簡單的有蒸排骨及炒青紅椒加洋蔥同秀珍菇… 乜半米全部食晒, 呵呵呵…

亨利老公話今晚想食西餐喎, 仲要爭住佢煮添, hehee…

Well, 唔知佢煮乜呢???



        

        

        

        

        

         * 晚上既新居原來可以咁 warm 架...

傢俬送到啦...

等到頸都長, D傢俬終於送到新居啦...

因為我同亨利都要返工, 所以我細佬同媽咪一早幫我去收傢俬... 佢地仲幫我掃埋灰抹埋塵...  我同亨利一放工就即刻趕去睇下搞成點...

一開門, 我就大叫一聲 ""嘩!!!! 好靚呀!!!!!!"" 

全屋傢俬搞左差不多搞左四個鐘...  我細佬(幫手)攰到謝晒; 媽咪仲爬高爬底幫我抹野!!!  真係感動到想喊...  亨利仲興奮都多謝我阿媽既時候錫左佢塊面一啖呀!!!

家下又要等個懶到死既亨利執番佢D野入櫃, 然後等過左大禮我先一次過搬晒我既野去新屋...

哎呀, 好忙呀!!!!!!!!!!!



         

         * 亨利既野多到爆...

         

          * 未有傢俬的主人房...

          

           * 超鍾意既日式入牆大衣櫃 (@主人房)...

           

            * 書房 (亦係將來的BB房)

            

             * 書房又做左個超大入牆衣櫃, 櫃下可拉出黎做床訓覺架!!!

            

             * 簡簡單單既書枱同吊櫃

收樓啦!!!

等左足足兩個月, 終於到左依一日啦 --- 就係 "收樓" 既大日子!!!

宜家真係好好好好好開心; 雖然裝修期間同個裝修老細有吵大獲既事發生, 但最後都傾惦左. 不過, 我個心就好唔鍾意佢, 因為佢個人太狡猾... Anyways, 依家乜都 OK 晒, 真係謝天謝地!!! 

下一步, 就係諗下 D 傢俬點整; 相信要真正入伙, 都要等多一個月啦...



        

          * 我地既客廳呀!!!

       

          * 右邊係我地既飯廳呀!!!

       

          * 超鍾意既廁所...

        

            * 仲有 99 分既廚房呀!!!

Jamie Oliver 系列廚具

之前行開永安見到法國特福廚具做緊 promotion; 加上有一 set 叫 Jamie Oliver 系列既五個非常吸引既廚具包括兩個唔同 size 既易潔煎鍋 + 三個唔同 size 既不鎸鋼煲都唔駛二千蚊; 嘩, 仲要全套 made in France, 真係超正呀!!

套 set 仲送左隻 Jamie Oliver 既 VCD.... hahaa... 佢仲狂 sell D products 有幾好呀. 不過, 我真係好鍾意成套野, 由其是 D 不鎸鋼煲, 好靚呀!!!

不過, 我相信要為依套廚具剪彩都要過多一排先得... 等間屋完全 ok 晒哦!...



        

   * 就係依 set 啦!!!

        

        

         * 開左一個黎煲煲水 ---> (開埋風扇) = 風山水起!!!       

大裝修

為左同亨利結婚之後有個靚靚同舒服既安樂窩, 我地上月頭就開始左為我地既新居大裝修啦...

裝修真係煩到嘔, 加上物價上脹, 樣樣野都好貴!!!  不過算啦, 錢可以搵得番嘛!  依家最期待就係個裝修老板叫我地去"收屋"啦; 我諗等多幾日就得, 話晒都搞左差唔多兩個月.

下一步就係要去訂造傢俬啦!!!!! (唔該細佬阿 Mike 幫我去度尺)

   

            

           * 全屋拉過晒D水電線

           

            * 原來一間屋D電線係咁舖架!!!

           

            * 我地個廚房要改入口位呀

           

            * 加左喉個樣...