甜藝館

 

果晚同亨利食完 Hip Sushi, 亨利無啦啦提議去大圍食糖水; well, 我已經有十幾年無入大圍啦... "大圍" 對我來說, 只係諗起細個踏單車時會去既地方哦!

 

一出火車站, 我好似大陸黎咁; 因為個地方比我想像中好... D 樓唔係好高, 旺中帶靜, 幾好呀!

 

周圍行行下, 係大圍村對出有間似自家制既甜品店, 我地就選左依間啦... 好過食附近間燉奶佬.

 

舖仔細細坐滿人.  見到個 menu 都好多 mix & match, 非常吸引!

 

其實我地都飽飽地, 不過都叫左三大樣野: 楊枝金露, 蘆薈金露, 同彩虹涼粉!

 

驚喜既係好好招呼, 野食新鮮整, 好好味添呀!  由其是個蘆薈金露, 大大粒蘆薈; 個彩虹涼粉既朱古力雪糕有朱古力粒, 正呀!! 佢仲話有荔枝味雪糕, 等我下次試下先...