湘川滬

 

尋晚亨利同我爸媽食飯, 目的為了邀請佢地為我地新居 "剪綵" (參觀下)...

亨利提議去葵青劇院隔離既 "湘川滬" 食飯, 之前我地一直都無試過, 所以今次都有D期待...

好彩我預早一日 book 定枱, 因為有好多人等位, 真係估唔到; 不過可能因為係星期日啦...

成間野坐滿晒人, 非常熱鬧.  我地都叫左好幾樣野食; 嘩, 由頭食到尾, 竟然好好食呀!!! 唔怪之得有咁多人啦...

我阿爸食野好鬼麻煩, 超高要求; 真係估唔到依間岩佢口味! 我媽咪仲話下次去開依頭食飯, 就去番依間添!!!

我地四個人叫左:

     * 崧子紫菜咸肉飯 --- 超少油, 正!!

     * 糖醋排骨 --- 唔肥, 正!!

     * 唔知乜乜抆鴨 --- 勁辣, 但好味!!

     * 小籠包4隻 --- 皮薄多汁好熱, 正!!

     * 鍋貼4隻 --- 好味!!

     * 回鍋肉跟薄餅6件 --- 好多肥油, 最底果D唔敢食呀!!! 不過都好味!

     * 葱油餅 (分左4件)--- 新鮮熱辣, 不過個個飽到食唔晒...

其實個 menu 仲有好多野食, 下次一定要再同多D人黎食, 咁就可以試晒全部野食啦!!